«Кальяри» футболчиси Алессандро Романо Италия терма жамоасида ўйнашга қарор қилди.
Унинг хизматларига Швейцария терма жамоаси ҳам қизиқиш билдирган, ҳатто бош мураббий Мурат Якин футболчини кўндириш учун Сардинияга шахсан борган. Бироқ бу уринишлар Романони қароридан қайтармади.
Шу тариқа, Швейцария ўз авлодининг энг истиқболли футболчиларидан бирини қўлдан чиқармоқда.
Италия эса маҳаллий футбол суръатига мослашиб улгурган ва мавсум бошидаёқ яхши таассурот қолдираётган ёш ярим ҳимоячига эга бўлмоқда.
Романо бир неча йил давомида Швейцариянинг турли ёш тоифасидаги терма жамоаларида тўп тепган. Энди унинг асосий мақсади — Италия терма жамоаси таркибидан мустаҳкам ўрин эгаллаш.
