«Kalyari» futbolchisi Alessandro Romano Italiya terma jamoasida o‘ynashga qaror qildi.
Uning xizmatlariga Shveysariya terma jamoasi ham qiziqish bildirgan, hatto bosh murabbiy Murat Yakin futbolchini ko‘ndirish uchun Sardiniyaga shaxsan borgan. Biroq bu urinishlar Romanoni qaroridan qaytarmadi.
Shu tariqa, Shveysariya o‘z avlodining eng istiqbolli futbolchilaridan birini qo‘ldan chiqarmoqda.
Italiya esa mahalliy futbol sur’atiga moslashib ulgurgan va mavsum boshidayoq yaxshi taassurot qoldirayotgan yosh yarim himoyachiga ega bo‘lmoqda.
Romano bir necha yil davomida Shveysariyaning turli yosh toifasidagi terma jamoalarida to‘p tepgan. Endi uning asosiy maqsadi — Italiya terma jamoasi tarkibidan mustahkam o‘rin egallash.
