Ла Лига клубларнинг молиявий барқарорлигини маош лимити орқали назорат қилади. Ҳар бир клуб учун мавсум давомида ходимларга тўланиши мумкин бўлган максимал маош миқдори белгиланади. Лимит бузилса, янги футболчиларни рўйхатдан ўтказиш имконияти чекланади.

«Реал» энг юқори маош лимитига эга клуб бўлиб, мадридликлар ходимларга бир мавсумда 832,79 миллион евро тўлаши мумкин. Ўтган мавсумда бу кўрсаткич 761,23 миллион еврони ташкил этган.

«Барселона»нинг маош лимити 582,77 миллион еврони ташкил қилади. Каталонияликлар учун ҳам вазият яхшиланган: ўтган йили клубнинг маош лимити март ойида 351,28 миллион евро, сентябрда эса 432,8 миллион евро бўлган.

Ҳозир энг оғир вазият «Севилья»да. Клубнинг маош лимити 20,16 миллион еврони ташкил этади.