«Арсенал» бош мураббийи Микель Артета АПЛнинг 4-турида «Сандерленд»га қарши ўйинда дарвозабон Давид Райянинг ҳаракатларига юқори баҳо берди.
Лондонликлар сафарда 2:0 ҳисобида ғалаба қозонди. Ҳисоб 0:0 бўлиб турган пайтда «Сандерленд» пенальти тепиш ҳуқуқига эга бўлди, аммо Райя Энцо Ле Фенинг зарбасини қайтарди.
«Ақлбовар қилмайдиган ҳолат. Райя — бизга керак бўлган пайтда ўйин тақдирини ҳал қиладиган футболчи. “Сандерленд”га, жамоанинг қандай ўйнаётгани ва қандай тайёргарлик кўрганига муносиб баҳо бериш керак. Бу ҳақиқатан ҳам яхши жамоа ва мен уларнинг хизматларини камситишни истамайман. Улар рақибга жуда кўп қийинчилик туғдиради», — деди Артета ўйиндан сўнг.
«Арсенал» энди 12 очкога эга ва Англия чемпионати турнир жадвалида биринчи ўринда бормоқда.
