Португалиялик мутахассис Рубен Аморим «Милан» футболчилари орасида ҳурматга эга. Буни жамоа футболчиларининг сўнгги фикрларидан ҳам англаш мумкин. Жумладан, Юнус Муса клубни айнан Аморим бошқараётганидан мамнунлигини айтди. Унинг таъкидлашича, мураббий футбол майдонида ўз салоҳиятини янада намоён этишига ёрдам бермоқда.
«Унинг менинг майдонда қандай ўйнашим ҳақида аниқ тасаввурга эга экани менга жуда катта ёрдам беряпти. У ўз услубимни тўлиқ намоён этишимга кўмаклашяпти ва яхши натижалар кўрсатишим учун имконият беряпти. Бу мавсумда кўплаб мураббийлар мени ўз жамоасида кўришни истамасди. Унинг жамоага келгани ва менга бу имкониятни берганидан хурсандман», — дея Мусанинг сўзларини Pianeta Milan нашри келтирди.
Эслатиб ўтамиз, португалиялик мураббий бунга қадар Англиянинг «Манчестер Юнайтед» клубини бошқарган.
