Portugaliyalik mutaxassis Ruben Amorim «Milan» futbolchilari orasida hurmatga ega. Buni jamoa futbolchilarining so‘nggi fikrlaridan ham anglash mumkin. Jumladan, Yunus Musa klubni aynan Amorim boshqarayotganidan mamnunligini aytdi. Uning ta’kidlashicha, murabbiy futbol maydonida o‘z salohiyatini yanada namoyon etishiga yordam bermoqda.

«Uning mening maydonda qanday o‘ynashim haqida aniq tasavvurga ega ekani menga juda katta yordam beryapti. U o‘z uslubimni to‘liq namoyon etishimga ko‘maklashyapti va yaxshi natijalar ko‘rsatishim uchun imkoniyat beryapti. Bu mavsumda ko‘plab murabbiylar meni o‘z jamoasida ko‘rishni istamasdi. Uning jamoaga kelgani va menga bu imkoniyatni berganidan xursandman», — deya Musaning so‘zlarini Pianeta Milan nashri keltirdi.

Eslatib o‘tamiz, portugaliyalik murabbiy bunga qadar Angliyaning «Manchester Yunayted» klubini boshqargan.