Германия ва Мюнхеннинг «Бавария» клуби собиқ ҳужумчиси Томас Мюллер бугун, 13 сентябрь куни 37 ёшни қарши олди. Шу муносабат билан Мюнхен клуби матбуот хизмати футболчини таваллуд куни билан табриклади.

«Ҳақиқий афсона. Томас Мюллер, туғилган кунинг муборак!» — дейилади «Бавария»нинг ижтимоий тармоқлардаги табригида.

Мюллер «Бавария» академияси тарбияланувчиси ҳисобланади. У клубнинг асосий жамоасида 2009 йилдан 2025 йилгача тўп тепган.

Айни пайтда германиялик футболчи Канададаги «Ванкувер Уайткэпс» клуби шарафини ҳимоя қилмоқда. МЛС жорий мавсумида Томас 20 та учрашувда майдонга тушиб, 7 та гол урди ва 5 та голли узатмани амалга оширди.