Аргентина терма жамоасининг собиқ ҳужумчиси Марсело Гальярдо Эквадор миллий жамоаси бош мураббийи этиб тайинланди. Бу ҳақда Эквадор футбол федерацияси матбуот хизмати хабар берди.
Федерация Х ижтимоий тармоғида янги мураббий иштирокидаги тадбирлар ҳамда терма жамоа ўйинларидан лавҳалар жамланган махсус роликни эълон қилди.
«Бизда иқтидор, тизим ва катта мақсадлар бор. Биз тайёрмиз. Одамлар ишонишсин, чунки ишониш учун асос бор. Хуш келибсиз, Марсело», — дейилади федерация хабарида.
Эслатиб ўтамиз, Эквадор терма жамоаси 2026 йилги жаҳон чемпионатида Себастьян Беккасесе қўл остида гуруҳ босқичидан муваффақиятли ўтган, аммо 1/16 финалда Мексикага 0:2 ҳисобида мағлуб бўлган.
