«Барселона» ҳужумчиси Карим Адейеми Ла Лиганинг «Леванте»га қарши ўтган ва 4:2 ҳисобидаги ғалаба билан якунланган учрашувидан сўнг ўз таассуротлари билан ўртоқлашди.
24 ёшли футболчи 67-дақиқада захирадан майдонга тушди ва 93-дақиқада гол уриб, учрашувнинг якуний ҳисобини белгилади.
«Қийин ўйин бўлди. Бу ерда ўйнаш жуда мушкул, аммо менимча, биз ғалабага ҳақли эдик. Гол уриб, жамоанинг ғалабасига ёрдам берганимдан жуда хурсандман, гарчи бу голни анча кутишга тўғри келган бўлса ҳам. Имкон қадар кўпроқ ўйин вақти олиш учун қаттиқ ишлаяпман, аммо энг муҳими — ўйинларда ғалаба қозониш», — дея Адейемининг сўзларини Barca Universal келтирди.
Германиялик ҳужумчи «Барселона» сафида ўтказган олтита учрашувида 3 та гол ва 1 та голли узатма қайд этди.
