«Депортиво» сардори Химо Наварро Пьер-Эмерик Обамеянгнинг ўйинига юқори баҳо берди.

37 ёшли ҳужумчи Ла Лигада клуб сафида ўтказган дастлабки бешта учрашувининг ҳар бирида гол уриб, Златан Ибраҳимовичнинг натижасини такрорлади.

«Обамеянг — жаҳон миқёсидаги юлдуз. Унинг қандай футболчи эканини ҳамма билади. Ҳозирги формаси кишини ҳайратда қолдиради. Биз унга имкон қадар кўпроқ гол уришда ёрдам беришга ва унинг айни пайтдаги формасидан жамоа манфаати йўлида фойдаланишга ҳаракат қиляпмиз. У ҳар бир ўйинда гол уришда давом этади, деб умид қиламан.

Унинг жамоамизга келганидан жуда хурсандман. Обамеянг топ-даражадаги футболчи ва бизга жуда кўп нарса беряпти.

Унинг танаси ҳақиқий атлетникидек. Жуда кўп машқ қилади. Барча ёш футболчилар унга қараб ўрнак олиши, қандай машғулот ўтказишини кўриши керак. У биринчи кунданоқ мени ҳайратда қолдирди. Мен унинг ўйинидан шунчаки завқ оляпман», — деди Наварро «Хетафе»га қарши 1:1 ҳисобида якунланган ўйиндан сўнг Movistar Plus нашрига берган интервьюсида.