"Ипсвич" бош мураббийи Гари О'Нил Англия Лига кубоги 3-босқичида "Арсенал"дан 2:4 ҳисобидаги мағлубиятдан сўнг рақиб жамоа ҳақида илиқ фикр билдирди.
"Арсенал" — мен томоша қилиш ва ўрганишни яхши кўрадиган жамоалардан бири. Бу Микель Артета у ерда амалга оширган иш билан боғлиқ.
Бу, шунингдек, жуда камтарона жамоа. У ерда ўзини бошқалардан устун қўядиган суперюлдузлар йўқ. Ҳар бир футболчи ўз вазифасини бажаради", — дея О'Нилнинг сўзларини келтиради YahooSport.
Англиялик мутахассис, шунингдек, учрашувда дубль қайд этган 16 ёшли ярим ҳимоячи Макс Доуманни ҳам алоҳида эътироф этди.
"Шу ёшда бундай даражада ўйнаш, Микель Артетанинг ишончини қозониш ва шундай жамоа сафида майдонга тушиш — ажойиб ютуқ.
Менимча, Макс жуда яхши шароитда ривожланяпти. Унинг келажаги катта бўлишига ишончим комил", — деди О'Нил.
"Арсенал"нинг Англия Лига кубоги 4-босқичидаги рақиби 16 сентябрь куни ўтказиладиган қуръа ташлаш маросимидан кейин маълум бўлади.
