«Бенфика» марказий ҳимоячиси Томаш Араужо «Реал» ва «Бавария» қизиқиш доирасига тушди.
Инсайдер Экрем Конурнинг ижтимоий тармоқларда хабар беришича, 24 ёшли португалиялик футболчини Мадриднинг «Реал» ва Мюнхеннинг «Бавария» клублари кузатиб бормоқда.
Аввалроқ Араужога ёзги трансфер ойнасида «Милан» ҳам қизиқиш билдирган эди.
Маълумотларга кўра, «Бенфика» ҳимоячисини сотишдан тахминан 40 миллион евро ишлаб олишни режалаштирмоқда.
Араужонинг лиссабонликлар билан амалдаги шартномаси 2031 йил июнь ойи охирига қадар мўлжалланган. Transfermarkt портали унинг бозор қийматини 30 миллион евро деб баҳоламоқда.
