Каталониянинг «Барселона» клуби қанот ҳимоячиси Хави Эспартнинг фаолиятини Германия Бундеслигасида давом эттириш вариантлари бор. Бу ҳақда инсайдер Экрем Конур ижтимоий тармоқларда хабар берди.
19 ёшли футболчига Дортмунднинг «Боруссия»си ва Леверкузеннинг «Байер» клублари қизиқиш билдирмоқда. Клублар скаутлари футболчини кузатиш учун Испанияга борган.
Эспартанинг «кўк-анорранглилар» билан амалдаги шартномаси 2028 йил июнь ойи охирига қадар тузилган. Transfermarkt портали ҳимоячининг бозор қийматини 5 миллион еврога баҳоламоқда.
Жорий мавсумда Испания чемпионатида Хави «Барселона»нинг бешта учрашувида иштирок этди. Ҳимоячи бир гол урди, иккита голли узатма амалга оширди ва битта сариқ карточка олди.
