«Манчестер Юнайтед»нинг собиқ ҳужумчиси Уэйн Руни Англия Премьер-лигаси 4-туридан ўрин олган Манчестер дербисидаги VAR ишини кескин танқид қилди. Учрашувда «Манчестер Сити» 1:0 ҳисобида ғалаба қозонди.

«Мен энди VARга тоқат қила олмайман, бу даҳшат. У ўйиндаги барча ҳиссиётни, футболга хос энергияни йўқотяпти.

Бу вазиятни кўрмаслик ва Энцо Фернандес офсайдда турганини тан олмаслик... Футболни исталган даражада ўйнаган ҳар қандай инсон буни тушунади ва унинг офсайдда эканини билади.

Бундай хатога йўл қўйиш — ақлга сиғмайди», — деди Руни.

Эслатиб ўтамиз, Pro Ref ҳакамлар ташкилоти кейинчалик Эрлинг Холанднинг голини ҳисобга олиш қарори хато бўлганини маълум қилди.

Ўйин вақтида эса VAR текширувидан сўнг Холанднинг ўзи тўғри ҳолатда бўлгани аниқланган ва ҳакамга голни ҳисобга олиш тавсия этилган.

Шунингдек, VAR офсайд ҳолатида турган Энцо Фернандес тўпга тегмаган ва эпизодга таъсир кўрсатмаган, деган хулосага келган.