«Барселона»нинг янги футболчиси Карим Адейеми Ханс-Дитер Фликнинг талабчан ўйин услубига тез мослашди ва дастлабки учрашувлардаёқ жамоага фойда келтира бошлади.
Германиялик ҳужумчи «Фейеноорд» ва «Леванте»га қарши ўйинларда кетма-кет чиройли голлар урди.
«Леванте»га қарши учрашувдаги ажойиб индивидуал голи ҳақида Адейеми шундай деди:
«Ҳаммаси жуда тез содир бўлди, ростини айтсам, қандай амалга оширганимни ўзим ҳам билмайман. Дарвозадан анча узоқда эдим, шунинг учун гол бўлиши осон эмасди. Лекин ўша вазиятда тез қарор қабул қилдим.
Менинг энг яхши ўйинларим — майдонда ҳеч нарса ҳақида ўйламай, ҳаракатларим табиий чиқадиган баҳслар.
Ҳар доим янада кўпроқ фойда келтира оламан, деб ўйлайман. Лекин майдонда ўтказган ҳар бир дақиқамдан, урган ҳар бир голимдан ва жамоамиз эришган ҳар бир ғалабадан хурсандман. Агар жамоага ёрдам бера олсам, ундан ҳам яхши. Биз барча совринларни ютишни истаймиз», — деди Адейеми.
