«Barselona»ning yangi futbolchisi Karim Adeyemi Xans-Diter Flikning talabchan o‘yin uslubiga tez moslashdi va dastlabki uchrashuvlardayoq jamoaga foyda keltira boshladi.

Germaniyalik hujumchi «Feyenoord» va «Levante»ga qarshi o‘yinlarda ketma-ket chiroyli gollar urdi.

«Levante»ga qarshi uchrashuvdagi ajoyib individual goli haqida Adeyemi shunday dedi:

«Hammasi juda tez sodir bo‘ldi, rostini aytsam, qanday amalga oshirganimni o‘zim ham bilmayman. Darvozadan ancha uzoqda edim, shuning uchun gol bo‘lishi oson emasdi. Lekin o‘sha vaziyatda tez qaror qabul qildim.

Mening eng yaxshi o‘yinlarim — maydonda hech narsa haqida o‘ylamay, harakatlarim tabiiy chiqadigan bahslar.

Har doim yanada ko‘proq foyda keltira olaman, deb o‘ylayman. Lekin maydonda o‘tkazgan har bir daqiqamdan, urgan har bir golimdan va jamoamiz erishgan har bir g‘alabadan xursandman. Agar jamoaga yordam bera olsam, undan ham yaxshi. Biz barcha sovrinlarni yutishni istaymiz», — dedi Adeyemi.