«Барселона» вингери Рафинья Испания Ла Лигасининг 6-туридан ўрин олган «Расинг»га қарши учрашувда дубль қайд этди. Биринчи бўлим 4:1 ҳисобида якунланди.

Бразилиялик футболчи учрашувнинг 25-дақиқасида пенальтини аниқ амалга оширди. 42-дақиқада эса у ўйиндан иккинчи голини урди.

Шу тариқа, Рафиньянинг Испания чемпионатининг жорий мавсумидаги кўрсаткичи 6 та ўйинда 8 та гол ва 3 та голли узатмага етди.

У шунингдек, Европанинг топ-5 чемпионатлари футболчилари орасида янги мавсумда «гол+пас» тизими бўйича 10 очколик маррага биринчи бўлиб етган футболчига айланди.

Рафинья Чемпионлар лигасида ҳам 2 та гол урган. Унинг жорий мавсумдаги умумий кўрсаткичи 10 та гол ва 3 та голли узатмани ташкил этмоқда.