«Барселона» вингери Рафинья Диас Ла Лиганинг 6-турида «Расинг» устидан 7:2 ҳисобидаги йирик ғалабадан сўнг ўзининг ҳозирги формаси ҳақида фикр билдирди.

16 сентябрь куни бўлиб ўтган учрашувда бразилиялик футболчи хет-трик қайд этди.

«Доимо қайси жиҳатларда янада ўсиш мумкинлигини тушуниш муҳим. Мен ҳеч қачон ўзимни энг юқори формадаман, деб айтмайман.

Ҳар доим янада яхшироқ бўлишга ва жамоага кўпроқ фойда келтиришга ҳаракат қиламан. Урган голларим ва ғалабадан хурсандман. Энди ҳам ўсишда давом этишимиз керак», — деди Рафинья учрашувдан сўнг.

Ушбу хет-трикдан кейин Рафинья жорий Ла Лига мавсумидаги голлари сонини 9 тага етказди ва Килиан Мбаппени ортда қолдириб, тўпурарлар пойгасида якка пешқадамга айланди.

«Барселона» эса чемпионатдаги дастлабки олти учрашувнинг барчасида ғалаба қозониб, 18 очко билан турнир жадвалида биринчи ўринни эгаллаб турибди.