Италиянинг «Милан» клуби ярим ҳимоячиси Ардон Яшари жамоасининг «Бенфика»га қарши ўйинда ўтказиб юборган биринчи голидаги айбни ўз зиммасига олди.
«Ўтказиб юборилган голда қисман айб менда, аммо жамоа сифатида янада кучайишимиз керак. Биз тўпни йўқотдик ва рақиб вазият яратди. Лукебакио марказга бунчалик тез силжимаслиги керак эди, мен эса уни яқинроқ кутиб олишим лозим эди», — дея Яшарининг сўзларини pianetamilan.it нашри келтиради.
Эслатиб ўтамиз, Ардон Яшари 2025 йил ёзидан буён «Милан» шарафини ҳимоя қилиб келмоқда. «Бенфика»га қарши ўйиндаги мағлубият «Милан»нинг жорий мавсумдаги илк мағлубияти бўлди. Бунга қадар Рубен Аморим бошчилигидаги жамоа ҳали мағлубиятга учрамаган эди.
