"Интер Майами" ҳамэгаси Дэвид Бекхэм жамоанинг Campeones Cup доирасида "Крус Асуль" устидан 2:0 ҳисобида қозонган ғалабасидан сўнг муносабат билдирди.
Ушбу муваффақият "Интер Майами" тарихидаги бешинчи соврин бўлди.
"Чемпионлар! Бу клубимиз тарихидаги яна бир фахрли лаҳза. Бу соврин клуб билан боғлиқ барча инсонлар — футболчилар, ходимлар ва мухлисларнинг меҳнати учун муносиб мукофот.
Шунингдек, бизнинг либосимиздаги 100-голини урган Лео Мессини табриклайман. "Интер Майами" — бу бир оила", — деб ёзди Бекхэм ижтимоий тармоқда.
Бунга қадар "Интер Майами" Лигалар кубоги (2023), MLS Supporters' Shield (2024), MLS Кубоги (2025) ва MLS Шарқий конференцияси (2025) ғолиблигини қўлга киритган эди.
