«Сандерленд» Европа лигаси умумий босқичининг 1-турида ўз майдонида АЗни 1:0 ҳисобида мағлуб этди.
Англия клуби шу тариқа 52 йилу 313 кунлик танаффусдан сўнг илк бор асосий еврокубок мусобақасида майдонга тушди.
Еврокубоклардаги учрашувлар орасида бундан узоқроқ танаффусга фақат икки клуб дуч келган:
59 йилу 353 кун — «Гоу Эхед Иглз»;
57 йилу 336 кун — «Юнион»;
52 йилу 313 кун — «Сандерленд».
«Сандерленд» бундан аввал еврокубокларда 1973 йил 7 ноябрь куни майдонга тушган эди. Ўшанда жамоа Кубок эгалари кубоги 2-босқичининг жавоб учрашувида «Спортинг»га 0:2 ҳисобида мағлуб бўлган.
Клубнинг еврокубоклардаги сўнгги ғалабаси эса 1973 йил 24 октябрга тўғри келади. Ўша куни «Сандерленд» ўз майдонида «Спортинг»ни 2:1 ҳисобида мағлуб этган эди.
