ПСВ ярим ҳимоячиси Пауль Ваннер "Ливерпуль"нинг қизиқиш доирасига тушди.
Англия гранди вакиллари келажакда таркибни кучайтириш вариантларини ўрганмоқда ва 20 ёшли ярим ҳимоячи кўриб чиқилаётган номзодлардан бири ҳисобланади.
Transfer News Live журналист Кристиан Фалькка таяниб хабар беришича, "Ливерпуль" Ваннернинг ҳолатини кузатиб бормоқда.
Transfermarkt портали австриялик футболчининг бозор қийматини 22 миллион еврога баҳоламоқда. Унинг ПСВ билан шартномаси 2030 йилга қадар амал қилади.
Пауль Ваннер ўтган йил ёзида "Бавария"дан 15 миллион евро эвазига ПСВ сафига қўшилган эди.
У Нидерландия клуби таркибида жами 40 та учрашув ўтказиб, 5 та гол урди ва 5 та голли узатмани амалга оширди.
