«Манчестер Юнайтед» бош мураббийи Майкл Кэррик жамоанинг сўнгги натижалари ҳақида фикр билдирди.
Айни пайтда «қизил иблислар» Англия Премьер-лигасида 13-ўринни эгаллаб турибди. Жамоа яқинда Англия Лига кубогидан ҳам чиқиб кетди.
«Бу ҳалокат ҳам, фожиа ҳам эмас. Бу дунёнинг охири эмас. Биз узоқ давом этган даҳшатли натижалар сериясида эмасмиз.
Яқинда бир нечта ўйинда мағлуб бўлдик, аммо ҳар бир баҳсни яхши бошладик ва ўйин ичида бўлдик, деб ҳисоблаймиз. Доимий равишда жиддий қийинчиликларга дуч келаётгандек эмасмиз.
Бу учрашувларда кўплаб яхши ишлар ҳам қилдик. Жамоа атрофидаги умумий кайфият сабаб майдондаги ижобий жиҳатлар кўздан қочиши мумкин, аммо биз уларни кўриб турибмиз», — дея Каррикнинг сўзларини The Touchline келтирди.
20 сентябрь, якшанба куни «Манчестер Юнайтед» Англия Премьер-лигаси доирасида сафарда «Фулхэм»га қарши майдонга тушади.
