«Manchester Yunayted» bosh murabbiyi Maykl Kerrik jamoaning so‘nggi natijalari haqida fikr bildirdi.

Ayni paytda «qizil iblislar» Angliya Premyer-ligasida 13-o‘rinni egallab turibdi. Jamoa yaqinda Angliya Liga kubogidan ham chiqib ketdi.

«Bu halokat ham, fojia ham emas. Bu dunyoning oxiri emas. Biz uzoq davom etgan dahshatli natijalar seriyasida emasmiz.

Yaqinda bir nechta o‘yinda mag‘lub bo‘ldik, ammo har bir bahsni yaxshi boshladik va o‘yin ichida bo‘ldik, deb hisoblaymiz. Doimiy ravishda jiddiy qiyinchiliklarga duch kelayotgandek emasmiz.

Bu uchrashuvlarda ko‘plab yaxshi ishlar ham qildik. Jamoa atrofidagi umumiy kayfiyat sabab maydondagi ijobiy jihatlar ko‘zdan qochishi mumkin, ammo biz ularni ko‘rib turibmiz», — deya Karrikning so‘zlarini The Touchline keltirdi.

20 sentyabr, yakshanba kuni «Manchester Yunayted» Angliya Premyer-ligasi doirasida safarda «Fulxem»ga qarshi maydonga tushadi.