"Реал"нинг 34 ёшли дарвозабони Тибо Куртуа яна бир неча йил юқори даражада футбол ўйнашни режалаштираётганини айтди. Шу билан бирга, бельгиялик футболчи фаолиятини якунлагандан кейин нима билан шуғулланишини ҳозирча аниқ белгилаб олмаган.
"Ҳали қарор қилганим йўқ. Бош мураббий бўлишни хоҳлайманми — бунга ишончим комил эмас. Чунки бу футболчилар билан жуда тез қариб кетасан.
Балким, "Реал"да дарвозабонлар билан ишлашим, юқори савияли академия ташкил қилишим ёки тайёр лойиҳани сотиб олиш ўрнига "Тибо Куртуа" брендини ривожлантиришим мумкин.
Мен яна 5-6 йил футбол ўйнамоқчиман", — деди Куртуа Forbes нашрига берган интервьюсида.
