"Арсенал"нинг 16 ёшли вингери Макс Доуман ижара асосида бошқа клубга ўтиши мумкин. Бу ҳақда The Touchline хабар берди.
Манба маълумотига кўра, "канонирлар" муносиб вариант пайдо бўлса, ўз тарбияланувчисини ижарага беришга тайёр. Клубда ижара Доуманнинг салоҳиятини тўлиқ очишига ёрдам беради, деб ҳисоблашмоқда. "Арсенал"дагилар футболчининг ўзи ҳам бундай вариантга қарши бўлмаслигига ишонмоқда.
Бу мавсумда Доуман Англия Лига кубогида бирта учрашувда майдонга тушиб, дубль қайд этди. Transfermarkt маълумотига кўра, унинг трансфер қиймати 30 миллион еврони ташкил этади.
Тўрт турдан кейин "Арсенал" 12 очко билан Англия Премьер-лигаси турнир жадвалида пешқадамлик қилмоқда.
