«Барселона»нинг собиқ ҳужумчиси Серхио Агуэро каталонияликларнинг янги форварди Габриэл Жезус ҳақида фикр билдирди.
«Габриэл — яхши футболчи. У ўзига бўлган ишончни тўлиқ ҳис қилиб, мунтазам гол ура бошласа, «Барселона» муваффақиятларига катта ҳисса қўша олади.
У жисмонан бақувват ва юқори прессингда фаол ҳаракат қиладиган футболчи. Бу эса Фликка жуда ёқади. Шу жиҳатдан у Альваресга ўхшайди. Менимча, бу жуда омадли трансфер», — деди Агуэро Stake Football'га берган интервьюсида.
«Барселона» Габриэл Жезусни «Арсенал»дан 10 миллион еврога сотиб олди. Испанияга кўчиб ўтганидан сўнг бразилиялик ҳужумчи барча мусобақаларда 3 та ўйин ўтказиб, 2 та гол урди.
29 ёшли футболчининг «Барселона» билан шартномаси 2029 йилга қадар амал қилади.
