«Монако» бош мураббийи Филипе Луис Лига 1 доирасидаги «Ланс»га қарши ўйиндан (2:1) сўнг жамоа ярим ҳимоячиси Александр Головиннинг универсаллигини ва меҳнаткашлигини эътироф этди.

«Бугун қанотда ўйнаб, ҳимояланиши ва кўп югириши учун «қурбон берилиши»га тўғри келган Голо ҳақида бир нечта сўз айтмоқчиман. Мен бу ҳақда унга кеча айтгандим, у эса жамоа учун ҳамма нарсани қилишга тайёрлигини билдирди.

Бу клубда деярли тўққиз йилдан бери тўп сураётган ва коллектив учун ажойиб тарзда меҳнат қилаётган плеймейкеримиз томонидан кўрсатилган ажойиб ўрнак ва муҳим сигналдир.

Агар у шундай қилишга тайёр бўлса, демак, ҳар бир футболчи бунга қодир. Ҳар қандай ҳолатда ҳам у мени фахрланишга мажбур этди», — деди Луис.