Каталониянинг «Барселона» клуби раҳбари Жоан Лапорта «кўк-анорранглилар»нинг 2026/2027 йилги мавсумдаги мақсадлари ҳақида гапириб берди.
«Биз ҳамма нарсада ғолиб чиқиш ниятидамиз: кетма-кет учинчи Ла Лигани қўлга киритиш, Испания Кубоги, УЕФА Чемпионлар лигаси ва Суперкубокни олиш. Ҳаммаси уддасидан чиқишимизга ишончим комил. Биз дунёдаги энг яхши кўп турли спорт клубимиз. Чемпионлар лигаси титуллари сони бўйича бундай клуб бошқа йўқ», — деди раҳбар Marca газетасига.
Испания чемпионатининг олти туридан сўнг Каталония жамоаси 18 очко жамғариб, турнир жадвалида биринчи ўринни эгаллаб турибди. «Кўк-анорранглилар» иккинчи ўринда бораётган Мадриднинг «Реал» клубини уч очкога ортда қолдирмоқда.
