Мадриднинг «Атлетико» клуби бош мураббийи Диего Симеоне «Реал»га қарши дерби арафасида юлдуз ҳужумчи Хулиан Альвареснинг ҳолати ҳақида фикр билдирди.
«Хулиан дербида биз билан бирга бўлади. У асосий таркибда майдонга тушадими ёки ўйин давомида захирадан майдонга қўшиладими, кейинроқ ҳал қиламиз», — деб келтиради мураббийнинг сўзларини инсайдер Фабрицио Романо ўз ижтимоий тармоқларида.
Испания чемпионатининг еттинчи туридан ўрин олган марказий «Атлетико» – «Реал» учрашуви эртага, 20 сентябрь куни бўлиб ўтади.
Испания чемпионати турнир жадвалида «матрасчилар» тўртинчи ўринни, «қаймоқранглилар» эса иккинчи ўринни эгаллаб турибди.
