"Барселона" бош мураббийи Ханс-Дитер Флик жамоа сардори Рафинья Диаснинг нафақат ўйини, балки лидерлик фазилатларидан ҳам мамнун эканини билдирди.

29 ёшли бразилиялик футболчи кетма-кет иккинчи ўйинда хет-трик қайд этди. Бу сафар у "Севилья" дарвозасига учта гол уриб, жамоасига 3:1 ҳисобидаги ғалабани келтирди.

"Рафиньядан яхшироқ сардорни тасаввур қилиш қийин. У биз эга бўлишимиз мумкин бўлган энг яхши сардор", — деди Флик учрашувдан кейинги интервьюда.

Немис мутахассиси Рафиньянинг ўзи учун одатий бўлмаган марказий ҳужумчи позициясида ўйнаётгани ҳақида ҳам тўхталди.

"Рафиньяни "тўққизлик" позициясига ўтказиш — у билан суҳбатлашгандан кейин қабул қилган қарорим. Бу масалани олдиндан муҳокама қилган эдик. Биз унинг сифатларини яхши биламиз ва у учун хурсандмиз. У тўп билан ҳам, тўпсиз ҳам жуда яхши ҳаракат қилади", — деди Флик.

Рафинья Ла Лига тўпурарлари пойгасида 12 та гол билан пешқадамлик қилмоқда. Ламин Ямаль ва Килиан Мбаппе эса 7 тадан гол урган.