"Байер" Германия чемпионати 4-турида "Лейпциг"ни 2:0 ҳисобида мағлуб этди.
Учрашув 20 сентябрь куни Леверкузендаги "БайАрена" стадионида бўлиб ўтди.
Биринчи бўлим охирида "Байер" ҳужумчиси Патрик Шик ҳисобни очди. Унга ҳимоячи Мигель Гутьеррес голли узатма берди.
Танаффусдан кейин испаниялик Гутьерреснинг ўзи ҳам гол уриб, жамоасининг устунлигини мустаҳкамлади.
"Байер" 7 очко билан Бундеслига турнир жадвалида бешинчи ўринни эгаллаб турибди. 6 очкога эга "Лейпциг" эса саккизинчи поғонада жойлашган.
10 октябрь куни Германия чемпионати 5-турида "Байер" сафарда "Майнц"га қарши майдонга тушади. "Лейпциг" эса ўз майдонида "Айнтрахт"ни қабул қилади.
