«Реал»нинг ҳужумдаги етакчилари Винисиус Жуниор ва Килиан Мбаппенинг «Атлетико»га қарши Мадрид дербисидаги омадсиз ўйини статистикада ҳам яққол акс этди.

«Реал» сафарда 1:2 ҳисобида мағлуб бўлган учрашувда ҳар икки футболчи ҳам гол ура олмади ва голли узатма ҳам амалга оширмади.

Винисиус 54-дақиқада майдонни тарк этгунига қадар дарвозага аниқ зарба бермади, гол урмади, ассист қайд этмади, бирор имконият ёки калит узатма ярата олмади.

Шунингдек, бразилиялик футболчи тўпни етти марта назоратдан чиқариб қўйди.

Мбаппе эса учрашувни тўлиқ ўтказганига қарамай, дарвозага аниқ зарба бермади, гол ва ассист қайд этмади.

Франциялик ҳужумчи ҳам бирорта голли вазият ёки калит узатма ярата олмади. Ушбу статистикани «StatMuse» тақдим этди.