«Реал» жорий мавсумда Ла Лига чемпиони бўлиш учун клуб тарихидаги ноёб натижани яна такрорлашига тўғри келади.
7-турда «Атлетико»га 1:2 ҳисобида мағлуб бўлган Жозе Моуриньо шогирдлари турнир жадвалида пешқадамлик қилаётган «Барселона»дан 6 очкога ортда қолмоқда.
Мадридликлар тарихида фақат бир марта «Барселона»дан шунча миқдордаги очкога ортда қолган ҳолда чемпионликка эришган.
2006/07 йилги мавсумда «Реал» 24-турга келиб каталонияликлардан 6 очко ортда эди — 43га 49. Бироқ мавсум якунида ҳар икки жамоа 76 очкодан тўплади ва ўзаро учрашувлардаги натижалар ҳисобига «Реал» чемпионликни қўлга киритди.
