«Ливерпуль»нинг марказий ҳимоячиси Жереми Жаке жамоадаги фаолиятини ҳайратланарли даражада бошлади.

Якшанба куни француз «қизиллар»га Премьер-лига доирасида «Борнмут» устидан қозонилган «қуруқ» ғалабада (1:0) ёрдам берди. Aynan 21 ёшли центрбек учрашувнинг энг яхши ўйинчиси совринини қўлга киритди. Мукофотни унга жамоадошини табриклаб, олдинда уни шундай совринлар жуда кўп кутаётганини айтган жамоа сардори Виргил ван Дейк топширди.

Жаке Англия чемпионатининг жорий мавсумида ўз яккакурашларининг 76,3 фоизида (38 тадан 29 тасида) ғалаба қозонди. Opta қайд этишича, ван Дейкнинг «Ливерпуль»даги бутун фаолияти давомидаги энг яхши кўрсаткичи ҳам айнан шунча бўлган (2018/19 йилги мавсумда). Шунга қарамай, мерсисайдликларнинг истиқболли янги аъзоси мавсум охиригача ушбу даражани сақлаб қолиш учун астойдил ҳаракат қилишига тўғри келади.