Италиянинг «Фрозиноне» клуби А Сериядаги дастлабки беш турдан сўнг 10 очко жамғариб, ўз тарихидаги энг яхши стартни қайд этди. Ушбу очколарнинг учтаси «Комо»га қарши ўйинда қўлга киритилди ва бу натижа маълум маънода сенсация бўлди. «Фрозиноне» бош мураббийи Массимилиано Альвини учрашув натижаси ҳақида фикр билдирди.

«Биз қандай йўл тутишни танлашимиз керак эди. Албатта, ўз ўйин услубимиз бор, аммо ҳар бир учрашув алоҳида стратегияни талаб қилади. Агар «Комо»га қарши юқори прессинг қилсангиз, орқада бўш ҳудудлар қолдириш хавфи пайдо бўлади. Агар пастроқ ҳимоялансангиз, майдоннинг ўз ярмингизда яккакурашларда ғалаба қозонишингиз керак бўлади», — дея Альвинининг сўзларини derbyderbyderby.it келтиради.

Кейинги турда «Фрозиноне» «Наполи»га қарши майдонга тушади.