«Монако» россиялик ярим ҳимоячи Александр Головинни қанча маблағ эвазига қўйиб юборишга тайёр экани маълум бўлди.

Эслатиб ўтамиз, ёзги трансфер ойнасида «Спартак» 30 ёшли футболчини сотиб олишга ҳаракат қилган эди.

Таниқли журналист Экрем Конурнинг маълум қилишича, «Монако» «Спартак»нинг Головин учун таклиф қилган 19 миллион евросини рад этган. Манбага кўра, монегасклар ўз етакчиси учун 25-30 миллион евро олишни истамоқда.

Шунингдек, Головинга Санкт-Петербургнинг «Зенит» клуби ҳамда Саудия Арабистонининг «Ал-Аҳли» ва «Неом» жамоалари қизиқиш билдирмоқда.

Жорий мавсумда ярим ҳимоячи барча мусобақалар ҳисобида 6 та ўйинда майдонга тушиб, 1 та гол урди ва 2 та голли узатма амалга оширди.