"Реал" Мадрид дербисида "Атлетико"га 1:2 ҳисобида мағлуб бўлди.
Учрашувдан сўнг Жозе Моуриньо матбуот анжуманига икки баҳсли вазият акс этган чоп этилган суратлар билан келди. Португалиялик мутахассиснинг фикрича, ушбу эпизодларда ҳакам "Атлетико" футболчиларини майдондан четлатиши керак эди.
Эртаси куни "Атлетико" Моуриньога ўзига хос тарзда жавоб қайтарди. Мадрид клуби ижтимоий тармоқларда видео эълон қилди. Унда принтердан Моуриньонинг матбуот анжумани вақтида олинган сурати туширилган варақ чоп этилади.
Сурат остига: "Ҳакамларни таъқиб қилишни ҳозироқ бас қилинг", деган ёзув жойлаштирилган.
"Атлетико"дан учралган мағлубиятдан сўнг "Реал" Ла Лига турнир жадвалида иккинчи ўриндан тўртинчи поғонага тушиб кетди. Пешқадам "Барселона" Мадрид клубидан олти очко олдинда бормоқда.
