"Real" Madrid derbisida "Atletiko"ga 1:2 hisobida mag‘lub bo‘ldi.
Uchrashuvdan so‘ng Joze Mourinyo matbuot anjumaniga ikki bahsli vaziyat aks etgan chop etilgan suratlar bilan keldi. Portugaliyalik mutaxassisning fikricha, ushbu epizodlarda hakam "Atletiko" futbolchilarini maydondan chetlatishi kerak edi.
Ertasi kuni "Atletiko" Mourinyoga o‘ziga xos tarzda javob qaytardi. Madrid klubi ijtimoiy tarmoqlarda video e’lon qildi. Unda printerdan Mourinyoning matbuot anjumani vaqtida olingan surati tushirilgan varaq chop etiladi.
Surat ostiga: "Hakamlarni ta’qib qilishni hoziroq bas qiling", degan yozuv joylashtirilgan.
"Atletiko"dan uchralgan mag‘lubiyatdan so‘ng "Real" La Liga turnir jadvalida ikkinchi o‘rindan to‘rtinchi pog‘onaga tushib ketdi. Peshqadam "Barselona" Madrid klubidan olti ochko oldinda bormoqda.
