«Фламенго» ҳимоячиси Эмерсон Роял Бразилияда футбол ўйнаш нега чет элдагидан қийинроқ эканини тушунтирди.

Испанияда «Барселона» ва «Реал Бетис» шарафини ҳимоя қилган бразилиялик футболчининг фикрича, ватанида футболга бўлган муносабат ва босим анча кучли.

«Биз, бразилияликлар, футбол ҳақида кўпроқ фикр билдирамиз. Чет элда футбол жуда чиройли, аммо Бразилия — футбол мамлакати.

Чет элда майдон ташқарисидаги муҳит бу ердагидек кучли эмас. Бошқа жойларда ҳатто мағлубиятдан кейин ҳам одатдагидек яшашда давом этиш мумкин, аммо бу ерда вазият бошқача.

Одамларнинг бу илиқ ва кучли муносабати, яхши ёки ёмон маънода бўлсин, мутлақо бошқача. Шунинг учун «Фламенго»да ўйнаш қийинроқ», — деди Эмерсон Роял.

«Тоттенхэм»нинг собиқ футболчиси ўтган йили «Милан»дан «Фламенго»га ўтган эди.