Испания терма жамоаси бош мураббийи Луис де ла Фуэнте нима учун айнан испаниялик футболчи «Олтин тўп»ни ютиши кераклигини тушунтириб берди.

«Менимча, уни испаниялик олиши керак. Мен аллақачондан бери айтиб келаман: испаниялик футболчилар кўпгина жиҳатларда — техника, тактика ва бошқа компонентларда, ўйинни тушунишда дунёда энг яхшисидир. Бу нарса дунёдаги бошқа ҳеч бир футболчида йўқ. Испаниялик футболчи — амалда мукаммал, идеал ўйинчи.

Шу билан бирга, улар бу эътирофга тўлиқ лойиқдирлар. Шекилли, одамларга бизнинг ўйинчиларга бундай эътирофни бериш қийин кечмоқда. Келинг, биз ҳам испанияликларни қўллаб-қувватлайлик, ўз футболчиларимизга суянайлик ва уларни муносиб баҳолайлик. Менимча, «Олтин тўп» испаниялик футболчига насиб этиши керак. Худди шу нарса дарвозабонлар учун бериладиган мукофотга ҳам тегишли. Жаҳон чемпионатида ўйнаган учта голкиперга ҳам», — деди де ла Фуэнте.