«Реал» ҳужумчиси Карлос Эспи Мадрид клубига ўтишидан олдин бу хабарни ҳатто дўстларидан ҳам сир сақлашга мажбур бўлганини айтди.
«Бу жуда қийин эди. Тасаввур қилинг, «Реал» билан шартнома имзолашингизни ҳеч кимга айта олмайсиз! Бу оғир кунлар эди. Хурсандчилигингизни бошқалар билан бўлишгингиз келади, аммо сиздан сўралган нарсага амал қилишингиз керак. Бизга барчаси тез орада ҳал бўлишини ва ҳеч кимга ҳеч нарса айтмаслигимизни уқтиришганди.
Мен эса бу хабарни дўстларимга айтишни жуда истардим. Қанча марта «фалон жамоага ўтасизми?» деб сўрашганини тасаввур ҳам қила олмайсиз. Аммо ҳеч нарса дея олмасдим! Ҳозир эса жуда бахтлиман. Дўстларим ҳам мен учун жуда хурсанд», — деди Эспи AS нашрига берган интервьюсида.
