«Real» hujumchisi Karlos Espi Madrid klubiga o‘tishidan oldin bu xabarni hatto do‘stlaridan ham sir saqlashga majbur bo‘lganini aytdi.

«Bu juda qiyin edi. Tasavvur qiling, «Real» bilan shartnoma imzolashingizni hech kimga ayta olmaysiz! Bu og‘ir kunlar edi. Xursandchiligingizni boshqalar bilan bo‘lishgingiz keladi, ammo sizdan so‘ralgan narsaga amal qilishingiz kerak. Bizga barchasi tez orada hal bo‘lishini va hech kimga hech narsa aytmasligimizni uqtirishgandi.

Men esa bu xabarni do‘stlarimga aytishni juda istardim. Qancha marta «falon jamoaga o‘tasizmi?» deb so‘rashganini tasavvur ham qila olmaysiz. Ammo hech narsa deya olmasdim! Hozir esa juda baxtliman. Do‘stlarim ham men uchun juda xursand», — dedi Espi AS nashriga bergan intervyusida.