«Барселона» ҳужумкор ярим ҳимоячиси Дани Ольмо фаолиятини Англия Премьер-лигасида давом эттириши мумкин.

TEAMtalk маълумотига кўра, воситачилар 28 ёшли футболчининг хизматларини АПЛнинг бир қатор етакчи клубларига таклиф қилган.

Улар орасида «Арсенал», «Челси», «Ливерпуль», «Манчестер Сити», «Манчестер Юнайтед» ва «Тоттенхэм» бор.

Манба таъкидлашича, Ольмо бўйича трансфер январь ойида амалга ошиши мумкин. Бироқ ҳозирча «Барселона»га ҳеч бир клубдан расмий таклиф келиб тушмаган.

Жорий мавсумда Дани Ольмо барча мусобақаларни ҳисобга олганда 8 та учрашувда майдонга тушиб, 3 та голли узатма амалга оширган.

Transfermarkt портали испаниялик футболчининг бозор қийматини 60 миллион еврога баҳоламоқда.