«Barselona» hujumkor yarim himoyachisi Dani Olmo faoliyatini Angliya Premyer-ligasida davom ettirishi mumkin.
TEAMtalk ma’lumotiga ko‘ra, vositachilar 28 yoshli futbolchining xizmatlarini APLning bir qator yetakchi klublariga taklif qilgan.
Ular orasida «Arsenal», «Chelsi», «Liverpul», «Manchester Siti», «Manchester Yunayted» va «Tottenxem» bor.
Manba ta’kidlashicha, Olmo bo‘yicha transfer yanvar oyida amalga oshishi mumkin. Biroq hozircha «Barselona»ga hech bir klubdan rasmiy taklif kelib tushmagan.
Joriy mavsumda Dani Olmo barcha musobaqalarni hisobga olganda 8 ta uchrashuvda maydonga tushib, 3 ta golli uzatma amalga oshirgan.
Transfermarkt portali ispaniyalik futbolchining bozor qiymatini 60 million yevroga baholamoqda.
