«Арсенал» ёзги трансферлар ойнасида «Реал» ҳужумчиси Винисиус Жуниорни таркибига қўшиб олишга уринган. Буни лондонликлар бош мураббийи Микель Артетанинг ёрдамчиси Мигель Молина ҳам тасдиқлади.

Молина Испаниянинг Radio Marca радиосидаги интервьюсида Винисиус «Арсенал»нинг трансфер режаларида бўлганини айтди. «Албатта. Фактлардан четга чиқа олмайман, аммо у биз кўриб чиққан номлардан бири эди», — деди мутахассис.

«Арсенал» бразилиялик футболчининг «Реал» билан шартнома борасидаги ноаниқ вазиятидан фойдаланиш имконияти бор, деб ҳисоблаган. Бироқ Мадрид клуби Винисиусга янги шартнома таклиф қилиб, футболчи билан 2032 йилгача мўлжалланган келишувни имзолади. Шу тариқа, «Арсенал»нинг трансфер бўйича режаси амалга ошмади.