«Arsenal» yozgi transferlar oynasida «Real» hujumchisi Vinisius Juniorni tarkibiga qo‘shib olishga uringan. Buni londonliklar bosh murabbiyi Mikel Artetaning yordamchisi Migel Molina ham tasdiqladi.

Molina Ispaniyaning Radio Marca radiosidagi intervyusida Vinisius «Arsenal»ning transfer rejalarida bo‘lganini aytdi. «Albatta. Faktlardan chetga chiqa olmayman, ammo u biz ko‘rib chiqqan nomlardan biri edi», — dedi mutaxassis.

«Arsenal» braziliyalik futbolchining «Real» bilan shartnoma borasidagi noaniq vaziyatidan foydalanish imkoniyati bor, deb hisoblagan. Biroq Madrid klubi Vinisiusga yangi shartnoma taklif qilib, futbolchi bilan 2032 yilgacha mo‘ljallangan kelishuvni imzoladi. Shu tariqa, «Arsenal»ning transfer bo‘yicha rejasi amalga oshmadi.