Матбуотда «Манчестер Сити» молиявий қоидаларни бузиш бўйича 115 та эпизоддан 114 тасида айбдор деб топилгани ҳақида хабарлар тарқалди. Клубга жиддий жазо қўлланиши мумкин, аммо унинг аниқ тури ҳозирча маълум эмас.
Шу муносабат билан «Манчестер Сити» вакили клубнинг позицияси ўзгармаганини билдирди.
«Премьер-лигада иш жараёни давом этмоқда, унинг муҳим қисми ҳали якунланиши керак. Иш материаллари қатъий махфийлик талаблари билан ҳимояланган.
Шу сабабли «Манчестер Сити»нинг позицияси ўзгаришсиз қолмоқда ва клубнинг 2023 йил февраль ойида берган баёнотига мос келади», — деди клуб вакили.
