Миланнинг «Интер» клубини «Лацио»га алмаштирган ярим ҳимоячи Давиде Фраттези бу ишни римликларнинг янги мураббийи Женнаро Гаттузога бўлган ишонч сабабли қилганини тушунтирди.

«Мен Гаттузо билан терма жамоада бирга ишлаганман ва у ҳар доим менинг қобилиятларимга чин дилдан ишонганини ҳис қилганман. Ҳатто «Интер»да жуда кам ўйин амалиётига эга бўлган пайтларимда ҳам, у мени миллий терма жамоага чақиришда давом этди, чунки ҳали фойда келтира олишимни кўрди. Мен айнан у менга навбатдаги қадамни ташлашда ёрдам бера олади деб ўйладим. Шу сабабли, «Лацио» билан боғлиқлигимдан ташқари, унга нисбатан чуқур миннатдорчилик ҳам ҳис қиламан», – деди Фраттези derbyderbyderby.it нашрига.

Эслатиб ўтамиз, Гаттузо Италия терма жамоаси яна бир бор жаҳон чемпионатига чиқа олмаганидан сўнг истеъфога чиққан эди.