Фарер ороллари ва Қозоғистон терма жамоалари Миллатлар лигаси доирасидаги учрашувда ғолибни аниқлай олмади. Баҳс 1:1 ҳисобида якунланди.
Майдон эгалари 15-дақиқада ҳисобни очди. Оки Самуэльсен ўз имкониятидан фойдаланиб, Қозоғистон дарвозасини ишғол қилди — 1:0.
Қозоғистон жавоб голини узоқ куттирмади. 26-дақиқада Темирлан Ерланов рақиб дарвозасини ишғол қилиб, ҳисобни тенглаштирди — 1:1.
Шундан сўнг ҳар икки жамоа олдинга чиқиш учун имконият излади, аммо биринчи бўлим охиригача ҳисоб ўзгармади.
Иккинчи бўлимда ҳам жамоалар ғалаба голи учун курашни давом эттирди. Фарер ороллари ўз майдонидаги устунликдан фойдаланишга ҳаракат қилди, бироқ томонларнинг ҳеч бири яратилган вазиятларни голга айлантира олмади.
